Il fegl uffizial electronic dal chantun Grischun remplazza dapi il 1. da schaner 2016 la versiun stampada dal fegl uffizial. L'ediziun electronica da las publicaziuns è giuridicamain lianta.
Cumpariziun da las publicaziunsNovas publicaziuns cumparan mintga di da glindesdi fin venderdi a las 07.00 (cun excepziun dals firads generals).
A partir dals 5 da schaner 2016 cumpara il fegl uffizial dal chantun Grischun mo pli en furma electronica. Tut las publicaziuns uffizialas, spezialmain dal chantun, da las regiuns e da las vischnancas, sco er communicaziuns privatas il di respectiv sin la pagina d'internet dal chantun sut il link https://kantonsamtsblatt.gr.ch.
Il diever dal fegl uffizial digital vegn ad esser gratuit. Ils cuntegns pon vegnir consultads sur computers persunals, sur tablets e sur smartphones, e quai da tut temp, independentamain dal lieu e senza login. Cun agid d'in servetsch da retschertga pon cuntegns categorisads plinavant vegnir retratgs automaticamain.
Quest servetsch po vegnir abunà
Per consegnar las publicaziuns stuais Vus As registrar in'unica giada sin https://kantonsamtsblatt.gr.ch/registrierung. Suenter la registraziun pudais Vus endatar svelt e facilmain ils cuntegns sur in formular pratic cun agid da models.